Details van dit toneelstuk

                4/5 vrouwluu, 3/4 kearls (dan wodt Gerhard, Gerda)

“t Is ‘n hele klus en dat is ‘t zeker. Billy mot met zien bedrief ‘n andere kante op. Zo as ’t now geet kanne dat neet lange meer volholl’n. Maor welke kante, advies is d’r genog. Zeker van de buurluu Simon en Eliza. Simon de buurman vindt dat achteruut boeren ok boeren is. Maor wat ku’j doar met en wat ha’j doar an? Buurvrouw Eliza hef hele ander idee oaver. Simon hef gin hoge pet op van zien wulpse buurvrouw Eliza. Eliza doar in tegen is gek op Simon, deze dot alles öm eur te ontlop’n. Dat is haost niet te doon, ze holdt ‘m nauwlettend in de gaten. Billy en zien vrouw Pippa zit dan ok geregeld in de vuurlinie. Pippa mot noodgedwongen ok ‘n andere baan.  Kan dat in ‘t bedrief van eur man? Dat d’r dan verbouwd mot word’n steet vaste.  Dat Billy ‘t iemand gunt dee zien vader al us uut de brand hef eholpen is nobel, maor is dat wel zo’n goed idee?  Bunt Geertsema en van Londen wel de juuste kearls veur disse klus, is ‘t niet te hooge egrepen?

En welke rol spölt de wandelaars Neeltje en Elske in ‘t geheel? Al met al hilarische ontwikkelingen onder ‘t afdak van de familie van Kesteren.