Details van dit toneelstuk

Kan met 10 of 11 rollen gespeeld worden. Dames dubbelrol mogelijk.

Café "Het Dikke Peerd" is een olderwets darpscafé in een moderne tied. Derk-, Hilbert- en Henderika Schenk, twie vrijgezelle breurs en heur dito zuster, bestiert met zien drieën heur café, op gehiel eigen, markante wieze. Het bint nog echte darpstypen, van een oetstarvend soort.
De Burgemeester, warkzaam in het moderne gemientehoes, dat vlak bij het café stiet, is zeer veurtvarend en wil de darpskern drastisch moderniseren, inclusief het olde café en heur, in zien ogen, achterlijke eigenaren. Hij zot niet in dat dit café en de mensen die er met te maken hebt, eigenlijk hiel uniek bint, veur veul mensen in dizze moderne tied een verademing, een leste overbliefsel van vrogger tieden waor men, volgens sommigen, zunig op mot wezen.
De Burgemeester begunt op slinkse wieze acties te undernemen um de geleufweerdigheid van "Het Dikke Peerd" te ondermijnen, en zodoende de minister van binnenlandse zaken er van te overtugen dat die maar gauw zien fiat mot geven an het nije bestemmingsplan. Het olde café mot daor vort in zien ogen, maar , helaas veur hum, niet in elk zien ogen. En umdat hij niet altied even recht deur zee giet, kreg e tegenwarking van zien secretaresse, die opkomt veur het darpscafé. Als de minister dan, aanvankelijk incognito, het café giet bezuken, umdat hij vroeger een diel van zien jeugd in dit darp deurbracht hef, kompt de handelswieze van de Burgemeester aan het licht, op, veur de Burgemeester, pienlijke wieze.
Stamgast Tiensie en zien zeun Tunnies helpt dapper met, en de dames Osinga en- van der Wilp
( Jeuzel en treuzel) bint juust op de hand van de Burgemeester. Als er deur de minister olde jeudherinneringen ophaald wordt, ontstaot er komische taferelen, veural als ze zëlfs het spel "Bok, bok, hoeveul horens" gaot speulen.

Waarom Toneeluitgeverij Vink?