Details van dit toneelstuk

BROER ZOEKT VROUW (BREUR ZÖCHT VROUW)

11746 Drents blijspel in drie bedrijven door Harm Dijkstra,

                6 dames, 4 heren

Het stuk speult zuch of in een grote woonkeuken van een darpsgarage waorvan de inrichting wat olderwets is. Er hangt ok wat posters/foto’s van automarken an de kaant. Meindert Meulebult woont daor met zien aole, wat dove, licht-dementerende va en zien zwakbegaafde breur. In de eerste scène komp men net weer van de begravenis van zien aole moeder. Elk is in’t zwart. Moe was old en de dagen zat, de aole va kreg er almaol niet meer zo veul van met. Mansie is smangs ontroerend verdrietig als ‘e zien moe mist. Mans is wat zwakbegaafd, maar niet op alle terreinen. Hie löp met een olderwetse bril op.

Stille figuur op de achtergrond is Riki een jonge vrouw die bij heur in de buurt woont en een oogien in’t zeil holdt. 

Zuster Fijnvandraed is een strenge, harde wiekverpleegster die de zaken geern naor heur hand wil zetten. Zó möt’t, en niet aans!

Siensie is een vrolijke, ondeugende jongkerel die aal weken een aander meid versiert, naor zien zeggen. Hie is leerling monteur en wil ok geern adviezen geven als’t op het versieren van een vrouw ankomp.

Tante Jobkien haar zo dacht dat zie, als olderwetse, vrijgezelle tante, tiedelijk maar ies een zettien in dizze hoesholding an’t wark mus. Hoe moet die jongs zuk aans redden?

Zuster iezerdraod vindt dat er een jonge vrouw in dit hoes kommen möt. Meindert is een flinke kerel, en umdat er op ieder pottie wal een dekstel past , möt er maar ies een advertentie zet worden. Meindert wil dat zölf eerst niet, maar als tante Jobkien hum de hals begunt oet te hangen, begunt ‘e daor toch aans over te denken. Mans wil hum wal helpen. Die bedenkt: “Broer zoekt vrouw.” Er verschient twie kandidaten ten toniele: Loesje, een wulps ding waor Siensie vot op valt, en Bertha, een dominant mèens waor niks gien gevuligs anzit, “van dik hout zaagt men planken”. Meer een type veur Wolter van der Stang, de old-iezerkoper . Handelaar van der Stang hef ok wal goeie anwiezings, net als Siensie . Mans möt de kandidaten eerst maar ies op proef stellen, met alle gevolgen van dien. Oeteindelijk overwint de ware liefde, maar veur dat’t zo wied is möt er eerst hiel wat water deur de zee, of, benzine deur de pomp, in dit geval.

Waarom Toneeluitgeverij Vink?