Details van dit toneelstuk

‘t Iene misverstand nao ‘t andere. Dat is de grote kracht van dizze klucht. ‘n Slechtheurende oma  en de niet al te snuggere  dochter Roos van de buren begriept ‘n alledaogse afspraok totaal verkeerd.  De schoonzeune van oma hef iene besteld um de an  olderdom liedende hond naor de andere wereld te helpen. Dizze man is ok bereid um de dreugkloot Hannes veur 'n poosie met naor de stad te ne­men, om die te laoten zien dat er twei soorten mensen op de wereld bent. Van de hond hebt oma en Roos gien idee, maor wel luusteren ze 'n gesprek af, waorin sprake is van afknallen en onder de grond stoppen. En as Hannes dan 'n gat moet graven, eem later 'n schot klinkt en de jongen  verdwenen is, trekt de dames daoruut heur  conclu­sie. En ‘t  wordt t ‘r beslist niet makke­lijker op, als eem later 'n in­specteur van de staatsloterij komp opda­gen met 'n cheque van ‘n miljoen, die Hannes wonnen hef. Je kunt de man toch niet gaon vertellen, dat de winnaar net begraven is, want 'n mil­joen kan ieder en iene wel gebruuken. Dat vrag gewoon um list en bedrog. Prachtige rollen, veur zo wel de dames as heren. En ‘n uutge­kiende meugelijkheid veur ‘n oma um uut te blinken. Dit stuk lient zich ok hiel goed um op buuten te speulen. In de open lucht dus.