| Titel | Suite kalifornia | |
| Oorspronkelijke titel | CALIFORNA SUITE | |
| Artikelnummer | 22744 | |
| Dames (min/max) | 6 | |
| Heren (min/max) | 5 | |
| Personen | 11 | |
| Auteur(s) | Simon, Neil | |
| Vertaler(s) | Dijkstra, Gurbe | |
| Categorie | Avondvullend | |
| Aantal blz | 84 | |
| Genre | Fries toneel / Komedie | |
| Duur (min.) | 130 Min. | |
| Uitgever | Vink | |
SUITE KALIFORNIA (CALIFORNIA SUITE)
22744 In
komeedzje fan Neil Simon, Fryske oersetting Gurbe
Dijkstra, 6 froulju, 5 mannen
Suite
Kalifornia bestiet út fjouwer koarte toanielstikjes dy ‘t har ôfspylje op de
keamers 203 en 204 fan it Bevely Hills Hotel.
As
earsten bin dêr Hannah en William Warren. Sy bin njoggen jier lyn útelkoar
gongen. Hannah is yn New York wenjen bleaun en is no allinne mar op besite om
te praten oer de takomst fan Jenny, harren bern. Wat earst in wrang getoulûk om
in bern liket te wurden, krijt in ferrassende draai at de skerpe, sarkastyske
Hannah ta grutte ferwûndering fan William in hiel oare kant fan harsels sjen
lit.
Marvin
Michaels skrikt him de pleuris at er moarns wekker wurdt mei in dronken hoerke
by him yn ‘t bêd. Hy hat ‘m fersliept en syn frou kin elk momint oankomme.
Hoewol ‘t hy in bysûnder lokkich houlik hat, koe hy foar ien kear de ferlieding
net wjerstean, en no sit er dus mei de “gebakken peren”. Hy besiket it fanke de
keamer út te krijen, mar se is sa stomdronken fan de nacht der foar, dat it him
net iens slagget om har út bêd te krijen. Marvin wringt him yn alderlei bochten
om foar te kommen dat syn frou der achter komt, mar fertelt har út einlings
doch fan syn misstap.
Diana
Nichols is in aktrise út Londen. Sy is hjir tegearre mei har man kommen om de
útrikking fan de Oscars by te wenjen. Se hopet te winnen, mar hat de noadige
tsjinslaggen. Sa hat se in piperdjoere jurk oan, wêr yn ‘t se har net op har gemak
fielt, en ek hat se gjin man dy ‘t op stjerren leit, wat de sjuery posityf
beynfloedzje kinne soe. Se krijt gjin Oscar, en at se midden yn de nacht beide
stomdronken en segrinich op har hotelkeamer werom komme, fiert Diana har woede
en teloarstelling bot op har man. It liket er op dat harren houlik er oan giet.
Frustraasjes dy ‘t jierrenlang ferswijd binne wurde no einlings útsprutsen.
Twa
stellen dy ‘t trije wike mei elkoar op fakânsje west ha befolkje as lêsten
suite 203 en 204. At Beth by it tennisjen in blessuer oan de foet oprint, wyt
Mort dit oan it gedrach fan harren freonen. De freonen biede harren help oan,
mar dit wurdt net bjuster op priis steld. Alle ergernissen fan de fakânsje
komme der út, en op ‘t lêst rint de rûzje sa heech op, dat er slein, skopt en
sels biten wurdt. Oan ‘e ein fan ‘t stik lizze alle fjouwer ferwûne en útteld
op dokter syn kommen te wachtsjen.
Ridders