Details van dit toneelstuk

Louise hef in de familie de touwgies stevig in handen, ze wet ok alles beter. Daorum wordt ze ok wel vrouw Wab nuumt. Maor der ontgiet heur wel ien en ander. Heur dochter Laura moet de adellijke Viktor Birkenstock trouwen en Theo, heur zeun, moet dokter worden. Ze vindt zichzölf ‘n vrouw van nie-vee-oo, zoals ze dat zelf uut sprek, en dat moet ok heur gezin uut straolen. Heur tweide dochter Sofie is, naor ‘t schient, in Amerika met ‘n rieke Amerikaon trouwd. Eigenlieks zitten allent Evert, heur man, die de leste tied last hef van ‘n zeldzaome slaopziekte en oma Gerda, die graog ’n borrel drinkt, heur geluk in de weg. 

Maor Louise kreg ’t niet gemakkelijk. Laura wil met Berend, ‘n ‘’gewone’’ loodgieter, trouwen. Um heur doel te bereiken, moet Berend zich as professor veur doen, Louise smelt hielemaol. 

Theo döt in ‘t geheim ‘n koksopleiding en Evert warkt nao zien ontslag in ‘n nogal twiefelachtige bar en daornaost nog as ober; gien wonder dat hij slaop tekort komp. 

Als Sofie met Bill, heur man, hoogzwanger uit Amerika komp en oma Gerda der met Viktor vandeur giet, stort heur wereld in. Ze wordt ongewenst oma, Theo bliekt kok te wezen en Laura trouwt met Berend. 

De lepe oma hef de spaorbankboekies van Viktor vonden en hef heur niet meer neudeg. Veur Louise schient gien van heur dreumen met niveau in vervulling te gaon. Maor uiteindelieks is ‘t ’n bliedspul en komp alles op zien pooties terechte.