Details van dit toneelstuk

Leo Huizinga fynt himsels in geweldige man, super-yntelligint en suksesfol. Foaral syn beneaming ta adjunkt-direkteur fan in skoalle hat syn ego wol tsien kear oer de kop smiten. Hy begrypt dan ek net wêrom’t syn frou Chris sa raar docht. Hy is ommers de perfekte man. Chris kin sa stadichoan wol op Leo spuie, sy wol leafde yn har leven, se skaft harsels dan ek in nije leafde oan. Alle dagen bellet se mei in sekere Dovinbrotsky, makket ôfspraakjes mei him en lit de soarch foar de húshâlding farre. Dit is fansels alhiel tsjin it sin fan Leo, hy is wend dat alles foar ‘m klearstiet en -leit. Leo besiket Joanna, in studinte dy’t er helpt by har skripsje, foar syn karke te spannen. Dat pikke se op skoalle net en hy degradearret ta learaar. Bruno, de túnman, besiket syn freon te helpen. Lydia, syn skoanmem, docht alles om Leo it hûs út te wurkjen. Uteinlik giet Leo ek fuort. Hy sil ommers doch ferfongen wurde troch de nije leafde fan Christiane: D-punt. Mei hingjende poatsjes docht Leo, op de dei dat de nije leafde by Christiane ynlûke sil, in lêste ynspanning om syn houlik te rêden. En dan blykt... dat neat is wat it liket.